يا عل بيتن ساكنه ساكن القلب
تاخذني الأيام لحدود حبه
وأقفي مع دربي من الشرق للغرب
حامل غرامن طاري البعد شبه
حامل من ظروف الزمن شي يصعب
شرحه على من يستمع ما تنبه
حامل من أيام العنا كل ما هب
نسناس يومن بالتعب ذا مهبه
صابر على طول الليالي وأرحب
في مقبل الضيقات من دون سبه
أبعد عن الطاري يجيني ويقرب
لاهنت ما هانت عليك المحبه
يا ويل دمعي كثر ما طاح وانصب
ويا ويل جرحن ما لقى اليوم طبه
حاولت أحصل بين الأيام لي درب
ضاعت هقاوي خطوتي في مربه
باقي رجاي بخالقي فارج الكرب
ولولاه ماباقي من الروح حبه
يفرج لنفسن عافت الزاد والشرب
وروح الأمل عجزت لقى من تحبه
.
.
.
وسلااامتكم ...........‘‘
